Xabaringiz bor, Pepsi Superligasining 15-turida “Lokomotiv” AGMK klubini o‘z maydoni qabul qiladi. Qiziqarli tarzda o‘tishi kutilayotgan mazkur o‘yin oldidan ushbu ikki jamoaning o‘zaro uchrashuvlari tarixi haqida ma’lumot berib o‘tamiz.
Qayd etish joizki, “Lokomotiv” hamda AGMK jamoalari shu paytga qadar milliy chempionatlarimiz doirasida 18 bor bahs olib borishgan. O‘zaro o‘yinlarda yaqqol ustunlik “temiryo‘lchilar” jamoasi tomonida.
“Lokomotiv” futbolchilari AGMK klubini 11 marta mag‘lub etishning uddasidan chiqishgan. 4 ta o‘yinda raqibga imkoniyat boy berilgan. Yana 3 ta bellashuv durang bilan yakunlangan.
Vakillarimiz olmaliqliklar darvozasini shu paytgacha 39 bor ishg‘ol etishgan va 21 marta o‘z darvozalaridan to‘p o‘tkazib yuborishgan. Diqqatga sazovor jihat shundan iboratki, “Lokomotiv” futbolchilari AGMK jamoasiga qarshi o‘tgan so‘nggi 5ta o‘yinda 20ta gol urishga muvaffaq bo‘lishgan.
Pepsi Superligasi
15 tur
“Lokomotiv” – AGMK
“Lokomotiv” stadioni, 19:11
Hakamlar: SH.Qosimov, O.Abduvasilov, S.SHoyusupov, E.Tursunov.
Nazoratchi – S.Ermatov.
Komissar – SH.Rajabov.
