Fransiyaning sport va moda (dizayn)ga ixtisoslashgan nashri o‘z muqovasini bu safar marhum darvozabon Lev Yashin surati bilan bezadi. Jurnalning ichki sahifalarida ham afsonaviy darvozabonning betakror uslubi va obrazi haqida maqola berildi.
Diqqatni tortadigan jihati, uning sarlavhasi kirill harflarida yozildi. Xo‘sh, yana qaysi nashrlar muqovasini jahon chempionatiga atalgan eng zo‘r «tashviqot» sifatida keltirish mumkin?
VOGUE Hombre (Meksika). Meksikada chiqadigan VOGUE muqovasiga turli darajaga mansub modellar (smokingda) zeb berishdi. Jurnalda shuning barobarida futbol va jahon chempionati haqida yetarlicha ma’lumot ham taqdim etildi.
PAPER (AQSh). G.O.A.T. - bu Greatest of all time. Ma’nosi - barcha zamonlar uchun eng buyuk. Gap Leo Messi haqida ketmoqda...
So Foot (Fransiya). Futbol yo‘nalishiga ixtisoslashgan Fransiya jurnali o‘z muqovasida 5 terma jamoani alohida ulug‘ladi. Aniqrog‘i, yangi son muqovasiga Lionel Messi, Krishtianu Ronaldu, Pol Pogba, Neymar va Muhammad Saloh suratlari tanlandi.
Sports Illustrated (AQSH). Amerika jurnali bir necha hafta davomida o‘z muqovasi vositasida jahon chempionatida ishtirok etuvchi jamoalarni tanishtirib chiqdi. Qizig‘i, Meksika termasi «Amerikaning boshqa jamoasi» sifatida taqdim etildi.
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
