Madridning «Real» klubi tarkibini kuchaytirish maqsadida Angliya Premyer-ligasida to‘p surayotgan futbolchilardan birini o‘z transfer ro‘yxatiga kiritdi.
TUTTOmercatoWEB nashrining xabar berishicha, Ispaniya grandi «Bornmut» yarim himoyachisi Aleks Skottning o‘yinlarini diqqat bilan kuzatib bormoqda.
Manbaga ko‘ra, madridliklar 23 yoshli angliyalik futbolchini o‘z safiga qo‘shib olish imkoniyatini o‘rganmoqda. Biroq ehtimoliy transferni amalga oshirish oson bo‘lmasligi mumkin. Sababi, «Bornmut» o‘z futbolchisini taxminan 120 million yevroga baholamoqda.
Shunga qaramay, «Real» Skottga bo‘lgan qiziqishini saqlab qolmoqda va uning transferini amalga oshirish variantini ko‘rib chiqmoqda.
Joriy mavsumda angliyalik yarim himoyachi barcha musobaqalar doirasida oltita uchrashuvda maydonga tushib, bitta gol urdi va ikkita golli uzatmani amalga oshirdi.
Aleks Skottning «Bornmut» bilan amaldagi shartnomasi 2028 yilning iyun oyi oxiriga qadar mo‘ljallangan.
