Argentina terma jamoasi hujumchisi Lionel Messi Islandiyaga qarshi o‘yindan so‘ng fikrlarini bildirib o‘tdi.
“Albatta, g‘alaba qozonishni xohlagandik. Tezkor golni urdik, lekin islandiyaliklar xisobni tenglashtirgandan so‘ng, o‘yin keskin tarzda o‘zgarib ketdi.
Raqib jamoa jarima maydonchasi ichida mustaxkam harakatlandi, bo‘shliq topishni umuman iloji bo‘lmadi.
Ha, bizda oldinga chiqib olish uchun imkoniyatimiz bor edi, ammo bundan foydalana olmadim. G‘alaba qozonishga munosib edik. Bu jahon chempionati bu musobaqada hech kim osonlikcha g‘alabani berib qo‘ymaydi.
Bizda hordiq chiqarish uchun biroz vaqt bo‘ladi, shundan so‘ng keyingi o‘yinga tayyorgarlikni boshlaymiz”, - deydi Messi.
