Аргентина терма жамоаси ҳужумчиси Лионель Месси Исландияга қарши ўйиндан сўнг фикрларини билдириб ўтди.
“Албатта, ғалаба қозонишни хоҳлагандик. Тезкор голни урдик, лекин исландияликлар хисобни тенглаштиргандан сўнг, ўйин кескин тарзда ўзгариб кетди.
Рақиб жамоа жарима майдончаси ичида мустахкам ҳаракатланди, бўшлиқ топишни умуман иложи бўлмади.
Ҳа, бизда олдинга чиқиб олиш учун имкониятимиз бор эди, аммо бундан фойдалана олмадим. Ғалаба қозонишга муносиб эдик. Бу жаҳон чемпионати бу мусобақада ҳеч ким осонликча ғалабани бериб қўймайди.
Бизда ҳордиқ чиқариш учун бироз вақт бўлади, шундан сўнг кейинги ўйинга тайёргарликни бошлаймиз”, - дейди Месси.
