JCH-2018 1-turi doirasidagi «G» guruhidan o‘rin olgan Tunis ham Angliya terma jamoalari o‘rtasidagi uchrashuv o‘z poyoniga yetdi. Qiziqarli tarzda kechgan bahsda dastlabki gol muxlislarni ko‘p kuttirmadi.
Aniqrog‘i, 11-daqiqadayoq Xarri Keyn hisobni ochib, angliyaliklarni hisobda oldinga olib chiqdi.
Ammo 35-daqiqaga borib Sassi penaltidan muvozanatni tikladi. Birinchi bo‘lim shu tariqa yakunlandi.
Ikkinchi bo‘limda inglizlar hujumlar sonini yanada oshirib, katta e’tiborni vaziyatni o‘nglashga qaratishdi. Biroq har qancha 90-daqiqagacha bu ishni uddalay olisha olmayotgandi.
Hakam tomonidan qo‘shib berilgan daqiqalarda esa baribir, o‘z maqsadiga erishishdi burchakdan yetkazib berilgan to‘pni Maguayr boshi bilan o‘zidan qulayroq vaziyatda turgan Xarri Keynga yetkazdi iqtidorli hujumchi esa qiyinchiliksiz darvozani ishg‘ol qilib, dublini rasmiylashtirdi.
Shu tariqa Angliya terma jamoasi ilk turda juda qiyin g‘alabani qo‘lga kiritdi.
JCH-2018. “G” guruhi.
Tunis – Angliya 1:2.
“Volgograd-Arena” stadioni.
Gollar: 0:1 – 11 Keyn, 1:1 – 35, penalti Sassi, 1:2 – 90 Keyn.
Tunis – Assen (Ben-Mustafa, 15), Ben-YUssef, Maalul, Bronn, Merya, Sliti (Ben-Amor, 74), Skiri, Xazri (Xelifa, 85), Sassi, Badri, Ben-YUssef.
Angliya – Pikford, Uoker, Stounz, Yang, Maguayr, Alli (Loftus-CHik, 80), Lingard (Dayer, 90), Sterling (Reshford, 68), Xenderson, Trippyer, Keyn.
Ogohlantirishlar: Uoker (33).
