Rossiya terma jamoasi bir ko‘rsatkich bo‘yicha jahon chempionati yetakchi bo‘lib turibdi.

Stanislav Cherchesov shogirdlari boshqa jamoalarga nisbatan ko‘p yugurishmoqda. Bu haqda jurnalist Toma Allan o‘zining Tvitterida xabar tarqatdi. Rossiyaliklar Saudiya Arabistoniga qarshi o‘yinda umumiy hisobda 118 kilometr masofani bosib o‘tishgan bo‘lsa, Misrga qarshi bahsda bu ko‘rsatkich 115 km.ga teng bo‘ldi.

Mazkur ko‘rsatkich bo‘yicha hozircha JCH-2018ning uchinchi ko‘rsatkichi Misrga tegishli bo‘lib turibdi. Afrikaliklar Urugvayga qarshi o‘yinda 112 kilometr masofaga yugurishgan. Bu borada eng yomon natija Kolumbiyaga tegishli bo‘lib turibdi — Yaponiya bilan o‘yinda 93 kilometr masofa bosib o‘tilgan.