Rossiyalik taniqli futbol sharhlovchisi Vasiliy Utkin o‘zining instagramdagi sahifasi orqali FIFA referisi Ravshanu Ermatovdan uzr so‘radi.

21 iyun kuni bo‘lib o‘tgan Argentina - Xorvatiya bahsini o‘zbekistonlik hakam boshqargandi. Jurnalist esa o‘yin paytida o‘zinig Tvitterdagi sahifasi orqali Ermatovni haqorat qilgandi.

Utkin Instagramdagi sahifasiga Ravshan Ermatovning suratini joyladi va quyidagilarni yozdi:

1. Ravshan Ermatov (chapda) — ajoyib hakam.

2. Unga, uning oilasiga, do‘stlariga, do‘stlarining do‘stlariga sog‘liq va omadlar tilayman. Ular ming yil umr ko‘rishsin va hech qachon kasal bo‘lishmasin.

3. Umrida biror marta hakamning qaroridan norozi bo‘lmagan muxlis bo‘lmasa kerak. Men ham muxlisman. Biz barchamiz bir xilmiz.

4. Bu yaxshi emas, ammo shu paytgacha shunday bo‘lib kelgan va bundan keyin ham shunday bo‘ladi.

5. Men qanday so‘z ishlatgan bo‘lmay, ikki kun davomida menga 3 ming marta javob qaytarildi. Endi oramiz ochiq. Yoki men uch ming kishining uzr so‘rashini kutaymi?

6. Yo‘q, kutmayman.

7 (omadli raqam): O‘zbekiston, keling, yarashamiz. O‘zbeklar ajoyib xalq. Men hech kimning milliy g‘ururiga tegmadim. HECH KIMNING.

8. Ravshan aka, bo‘lib o‘tgan ishlarga ahamiyat bermadingiz, degan umiddaman. Siz rekordchi-hakam ekansiz, uzoq yillar davomida dunyoning turli tillarida o‘z sha’ningizga eng yomon so‘zlarni eshitishingiz mumkin. Ular esa siz uchun hech qanday ahamiyatga ega emasligini bilasiz.

9. Agar mening so‘zlarim boshqalarnikidan ajralib turadigan bo‘lsa, meni kechiring, Ravshan aka!

10. To‘qqizinchi band yetarli.