Islandiya terma jamoasi "D" guruhidan keyingi bosqichga chiqish uchun so‘nggi turda Xorvatiyani mag‘lub etishi talab etilardi. Argentina 3-turda Nigerniyani bittadan ortiq to‘p farqi bilan mag‘lub etmasa, Xorvatiya ustidan qozonilajak g‘alaba islandlarni pley-offga olib chiqardi.

Islandiyaga oson bo‘lmadi. Xorvatiya muddatidan oldin pley-off yo‘llanmasini qo‘lga kiritib bo‘lganiga qaramay, raqibga jiddiy qarshilik ko‘rsatdi. Birinchi bo‘limda "vikinglar" o‘z imkoniyatlaridan foydalana olmagan bo‘lsa, ikkinchi bo‘lim boshida Milan Badel Islandiya darvozasini ishg‘ol qilishga muvaffaq bo‘ldi.

O‘yin tugashiga 14 daqiqa qolganida xorvatlar darvozasi tomon penalti belgiladi va Sigurdsson 11 metrli jarima zarbasidan muvozanatni tikladi. Islandiya qolgan daqiqalarda g‘alaba to‘pini kiritish uchun harakat qildi, ammo so‘nggi daqiqalarda qarshi hujumni o‘tkazib yubordi. Ivan Perishichning goli Xorvatiyaga g‘alabani taqdim etdi.

Shu tariqa, Xorvatiya 100 foizlik natija bilan guruh peshqadamiga aylandi. Islandiya esa guruhda so‘nggi pog‘onani band etdi.

JCH-2018, "D" guruhi, 3-tur
Islandiya – Xorvatiya 1:2 (0:0, 1:2)
Gollar: 0:1 – 53 Badel, 1:1 – 76, penalti Sigurdsson, 1:2 – 90 Perishich.
Islandiya – Xalldoursson, Sevarsson, Ingason, Sigurdsson (Sigurdarson, 71), Magnusson, Xadlvredsson, Gunnarsson, Gudmundsson, Sigurdsson, Byarnason (Traustason, 90), Finnbogason (Gudmundsson, 85).
Xorvatiya – Kalinich, Yedvay, Chorluka, Chaleta-Sar, Pivarich, Badel, Modrich (Bradarich, 65), Kovachich (Rakitich, 82), Pyasa (Lovren, 69), Perishich, Kramarich.
Ogohlantirishlar: Pyasa (14), Xadlvredsson (59), Finnbogason (64), Yedvay (83), Sevarsson (84).