O‘zbekiston Respublikasi Prezidentining 2018 yil 5 martdagi “Jismoniy tarbiya va ommaviy sport sohasida davlat boshqaruvi tizimini tubdan takomillashtirish chora tadbirlari to‘g‘risida”gi PF-5368-sonli Farmoni hamda 2017 yil 3 iyundagi “Jismoniy tarbiya va ommaviy sportni yanada rivojlantirish chora tadbirlari to‘g‘risida”gi PQ-3031-sonli Qarorlari ijrosini ta’minlash, aholining barcha qatlamlarini jismoniy tarbiya va ommaviy sportga jalb qilish, sog‘lom turmush tarzini targ‘ib qilish maqsadida O‘zbekiston futbol assosiasiyasi tomonidan bir qator ishlar amalga oshirilmoqda.
Jumladan, kecha 28 iyun kuni O‘zbekiston futbol assosiasiyasining maydonlarida O‘zbekiston Respublikasi Oliy Majlisi Qonunchilik palatasidagi siyosiy partiyalarning fraksiyalari, Oliy Majlis Qonunchilik palatasi devoni xodimlari, siyosiy partiyalar hamda jamoat tashkilotlarida faoliyat yurituvchi xodimlar o‘rtasida mini futbol bo‘yicha “O‘zbekiston futbol assosiasiyasi Kubogi” musobaqalariga start berilgani haqida avval xabar berib o‘tgandik.
Ushbu musobaqaning yarim final va final o‘yinlari bo‘lib o‘tdi. Quyida natijalar bilan tanishishingiz mumkin:
29 iyun. Yarim final
Oliy Majlis Qonunchilik Palatasi 2-0 “Milliy Tiklanish” shahar Kengashi
OMBUDSMAN 2-3 “Milliy Tiklanish” Markaziy kengashi
30 iyun. 3- o‘rin uchun
“Milliy Tiklanish” shahar kengashi 1-2 OMBUDSMAN
Final
Oliy Majlis Qonunchilik Palatasi 1-4 “Milliy Tiklanish” Markaziy kengashi
G‘oliblarga Kubok va medallar hamda esdalik sovg‘alari topshirildi.