Ўзбекистон Республикаси Президентининг 2018 йил 5 мартдаги “Жисмоний тарбия ва оммавий спорт соҳасида давлат бошқаруви тизимини тубдан такомиллаштириш чора тадбирлари тўғрисида”ги ПФ-5368-сонли Фармони ҳамда 2017 йил 3 июндаги “Жисмоний тарбия ва оммавий спортни янада ривожлантириш чора тадбирлари тўғрисида”ги ПҚ-3031-сонли Қарорлари ижросини таъминлаш, аҳолининг барча қатламларини жисмоний тарбия ва оммавий спортга жалб қилиш, соғлом турмуш тарзини тарғиб қилиш мақсадида Ўзбекистон футбол ассоциацияси томонидан бир қатор ишлар амалга оширилмоқда.
Жумладан, кеча 28 июнь куни Ўзбекистон футбол ассоциациясининг майдонларида Ўзбекистон Республикаси Олий Мажлиси Қонунчилик палатасидаги сиёсий партияларнинг фракциялари, Олий Мажлис Қонунчилик палатаси девони ходимлари, сиёсий партиялар ҳамда жамоат ташкилотларида фаолият юритувчи ходимлар ўртасида мини футбол бўйича “Ўзбекистон футбол ассоциацияси Кубоги” мусобақаларига старт берилгани ҳақида аввал хабар бериб ўтгандик.
Ушбу мусобақанинг ярим финал ва финал ўйинлари бўлиб ўтди. Қуйида натижалар билан танишишингиз мумкин:
29 июнь. Ярим финал
Олий Мажлис Қонунчилик Палатаси 2-0 “Миллий Тикланиш” шаҳар Кенгаши
ОМБУДСМАН 2-3 “Миллий Тикланиш” Марказий кенгаши
30 июнь. 3- ўрин учун
“Миллий Тикланиш” шаҳар кенгаши 1-2 ОМБУДСМАН
Финал
Олий Мажлис Қонунчилик Палатаси 1-4 “Миллий Тикланиш” Марказий кенгаши
Ғолибларга Кубок ва медаллар ҳамда эсдалик совғалари топширилди.
