«Real» klubi va Ispaniya terma jamoasi yarim himoyachisi Isko milliy jamoadagi sobiq bosh murabbiyi Xulen Lopetegining «Qirollik klubi» boshqaruviga tayinlanganini xushxabar sifatida qabul qilganini yashirmayapti.
Portugallarga qarshi uchrashuv
- Umuman olganda, o‘yinni yaxshi nazorat qildik. Ayniqsa, ikkinchi bo‘limga katta ishtiyoq bilan kirishib, ustunlikni o‘z tomonimizga og‘dirdik. Biroq so‘nggi daqiqalardagi birgina xato tufayli g‘alabani qo‘ldan chiqardik.
Ha, o‘yinimizda ayrim kamchiliklar ham ko‘zga tashlandi. Har holda, ularga yo‘l qo‘ymaslik imkoni yo‘q emasdi. Lekin yaxlit qaraganda, nazoratni ushlab turdik.
«Lopetegi ishi» ta’siri
- Nima deyishim mumkin? Bo‘lar ish bo‘ldi... Lekin jamoamiz orzusi ushbu voqelikdan kuchliroq. Zero, butun diqqat-e’tibor, ishtiyoq va mahoratimizni mundialda muvaffaqiyatli ishtirok etishga qaratgandik…
Umidlarning puchga chiqish ehtimoli
- Terma jamoa atrofida ro‘y bergan ishlarni tezda unutish zarur. Axir afsus-nadomatlar bilan hech narsaga erisholmaysiz…
Terma jamoa muhiti
- Doimo birgamiz: maydonda ham, uning tashqarisida ham. Ishonchim komil, jamoa muhitidagi ko‘tarinki kayfiyat maydonda muvaffaqiyatni ta’minlaydi.
Sheriklarim va yangi bosh murabbiy ayni haqiqatni gapirishdi - har qadam va eng kichik masalalarda ham hamjihatlikni saqlab qolsak, o‘yinimiz o‘z-o‘zidan yanada kuchayadi.
Maydondagi roli
- Portugaliya termasi bilan bahsda JCHdagi debyutimni nishonladim. Aytishim joiz, maydonda o‘zimni juda erkin his qildim. Shunday ajoyib yigitlar bilan yonma-yon to‘p surish har qanday kishiga qo‘shimcha kuch bag‘ishlaydi.
Debyut o‘yin yaxshi chiqqanidan baxtiyorman. To‘g‘ri, g‘alabani saqlab qolganimizda, nur ustiga a’lo nur bo‘lardi. Bunga loyiq ham edik, biroq....
«Oltin to‘p» mavzusi
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
