Ayni kunlarda yurtimizdagi ko‘plab bolakaylar yozgi ta’tilni turli oromgohlarda o‘tkazayaptilar.

Bolajonlar yozgi ta’tilni maroqli va mazmunli o‘tkazishlarini ta’minlash uchun O‘zbekiston futbol Assosiasiyasi O‘zbekiston kasaba uyushmalari Federasiyasi bilan hamkorlikda har bir viloyatda futbol festivallarini tashkil etishga qaror qilgani haqida avval xabar berib o‘tgandik.

4-6 iyul kunlari Buxoro shahridagi "Neftchi" yozgi bolalar dam olish oromgohida mini futbol bo‘yicha 10-12 yoshli o‘smirlar o‘rtasida “Yoz o‘tmoqda soz” shiori ostida futbol musobaqasi bo‘lib o‘tdi.

Musobaqada bolajonlar jamoalarga bo‘lingan holda yashil maydonda bellashdilar. Musobaqa yakunida g‘oliblarga O‘FA tomonidan esdalik sovg‘alari taqdim qilindi.