Sir emaski, suzish inson salomatligi uchun eng foydali sport turlaridan biri hisoblanadi. Ana shuni hisobga olgan holda Milliy olimpiya qo‘mitasi O‘zbekiston suzish federasiyasi bilan birgalikda Respublikamiz bo‘ylab bir qator musobaqalar tashkil qildi.

Musobaqalar 23 iyundan 6 iyulga qadar Qoraqalpog‘iston Respublikasi, Toshkent, Jizzax, Farg‘ona, Sirdaryo, Surxondaryo, Navoiy va Buxoro viloyatlarida bo‘lib o‘tdi. Bir necha tumanlarda o‘tkazilgan turnirlar 800 nafardan ortiq yoshlarni qamrab oldi.

Qayd etib o‘tish lozimki, bunday musobaqalar aholi orasida sportni ommalashtirish, yanada rivojlantirish, seleksiya ishlarini olib borish yo‘lida katta ahamiyatga egadir.