Сир эмаски, сузиш инсон саломатлиги учун энг фойдали спорт турларидан бири ҳисобланади. Ана шуни ҳисобга олган ҳолда Миллий олимпия қўмитаси Ўзбекистон сузиш федерацияси билан биргаликда Республикамиз бўйлаб бир қатор мусобақалар ташкил қилди.
Мусобақалар 23 июндан 6 июлга қадар Қорақалпоғистон Республикаси, Тошкент, Жиззах, Фарғона, Сирдарё, Сурхондарё, Навоий ва Бухоро вилоятларида бўлиб ўтди. Бир неча туманларда ўтказилган турнирлар 800 нафардан ортиқ ёшларни қамраб олди.
Қайд этиб ўтиш лозимки, бундай мусобақалар аҳоли орасида спортни оммалаштириш, янада ривожлантириш, селекция ишларини олиб бориш йўлида катта аҳамиятга эгадир.
