FIFAning sobiq rahbari Yozef Blatter jurnalistlarning savollariga javob qaytardi.
“Har bir chempionatning o‘z tarixi bor. E’tibor bering, o‘tish bahslarida ko‘p o‘yinlarning taqdiri so‘nggi soniyalarda hal bo‘ldi. Nimchorak finallarda esa penaltilar seriyasini ko‘ryapmiz. Juda qiyin turnir.
“JCH-2018” eng yaxshisimi? Bu savolingizga finaldan keyin javob beraman. Bu men uchun o‘n birinchi chempionat, bu tarixdagi eng murosasiz o‘yinlarga boy chempionat bo‘lmoqda. Hech kim taslim bo‘lishni istamaydi, hamma oxirigacha kurashadi”, dedi Blatter.
