Mavsumni Toshkentning “Lokomotiv” klubi safida boshlagan Salim Mustafoyev endi faoliyatini Navoiyning “Qizilqum” jamoasi tarkibida davom ettiradi.
Salim Mustafoyev “Qizilqum” bilan 1,5 yilga mo‘ljallangan shartnomaga imzo chekdi. O‘zaro kelishuvga ko‘ra 27 yoshli samarqandlik futbolchi 2019 yilning 30 noyabriga qadar Navoiy shahri jamoasi sharafini himoya qiladi. "Qizilqum" bugun Mustafoyevni o‘z o‘yinchisi sifatida PFL ro‘yxatidan o‘tkazdi.
Ta’kidlash joizki, faoliyatini “Dinamo” tarkibida boshlagan Salim Mustafoyev 2013 yildan buyon “temiryo‘lchilar” safida to‘p surib kelayotgan edi. Joriy yilgi mavsumda tajribali futbolchi milliy chempionatimiz doirasida faqatgina 1ta uchrashuvda maydonga tushdi.
