Ukrainalik yosh iqtidor sohibining «Real»ga o‘tishi haqida gap-so‘zlar tarqalganida ko‘pchilik ajablangandi. Biroq 19 yoshli darvozabon chindan ham «Qirollik klubi»ga o‘tdi.
6 yilga mo‘ljallangan kelishuv qiymati 9 mln. yevroga teng bo‘ldi. Bundan tashqari, Andrey Luninning avvalgi klubi - «Zarya» ham ma’lum bonusga ega chiqdi.
Kelishuv arafasidagi vaziyat
Zayniddin Zidan jamoani tark etgach, ortidan uning o‘g‘li - Lukaga ham javob berildi. Yosh bo‘lishiga qaramasdan, Luka 2004 yildan beri klub tizimida shug‘ullanar, jamoaning 3-darvozaboni hisoblanardi.
«Real»ning yangi bosh murabbiyi Xulen Lopetegi sobiq darvozabon bo‘lgani bois, so‘nggi chiziqqa e’tibor qaratib, uchinchi darvozabon pozisiyasini kuchaytirishni lozim topdi.
Andrey Lunin haqida
Yosh posbon Xarkov viloyatida tug‘ilgan bo‘lsada, faoliyatini «Dnepr»da boshladi. U kelgan payt jamoaning yorqin davri ortda qolgan, YEL finali tarixga aylanib ulgurgandi. Andrey o‘z debyutini nishonlagan 2016|2017 yillar mavsumida jamoa birinchi ligaga tushib ketdi.
Moliyaviy muammolar tufayli «Dnepr» yana pastga sho‘ng‘igach, futbolchilar boshqa jamoalarga o‘tib ketishdi. Lunin esa «Zarya» safidan joy oldi. Luganskdagi mavsumni barqaror o‘tkazgan yosh posbonni muxlislar mavsumning eng yaxshi o‘yinchisi sifatida e’tirof etishdi.
Deyarli Akinfeevning o‘zi
Lunin bilan rossiyalik kasbdoshi o‘rtasidagi o‘xshashlik shundaki, ikkovi ham juda barvaqt kamolotga yetishdi. Darvoza chizig‘ida bunday hol juda kam kuzatiladi. O‘z faoliyatini 18 yoshda boshlagan Andrey bir yildan so‘ng terma jamoa tarkibidan joy oldi.
Bu voqea yaqinda, Saudiya Arabistoni termasiga qarshi o‘rtoqlik uchrashuvida yuz berdi. Shu tariqa Lunin o‘z milliy jamoasi tarixidagi eng yosh darvozabonga aylandi.
To‘g‘ri, Akinfeev Rossiyaning bosh jamoasi sharafini 18 yoshidan boshlab himoya qilib kelmoqda. Bu ikki kasbdosh o‘rtasidagi yana bir umumiylik - so‘nggi marradagi sovuqqonlik. Farqli jihatlari esa shundaki, ukrainalik darvozabon Akinfeevdan bo‘ydorroq - 191ga 186.
Yevropadan qiziqish
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
