«Xorazm» klubi Pro-liga 3-davrasiga tayyorgarlik doirasida Toshkent shahrida yig‘in o‘tkazish uchun jo‘nab ketdi, deb xabar beradi «Xorazm» klubi muxlislari telegram kanali.
Jamoa poytaxtda bir necha kun davomida nazariy va amaliy mashg‘ulotlarni o‘tkazadi va o‘rtoqlik o‘yinlarida maydonga tushadi.
Tarkibdagi o‘zgarishlarga keladigan bo‘lsak, 10ta gol bilan Pro-liga to‘purari bo‘lib turgan hujumchi Qadamboy Nurmetov o‘z kuchini «Andijon» klubida sinab ko‘rishga qaror qildi. Shuningdek, Bobur Farhodov «Surxon» klubiga ketishni ma’qul topdi.
Hozircha, «Xorazm» klubi safiga yangi futbolchi kelib qo‘shilmadi.
