v

Xususan, ayollar o‘rtasida o‘tkaziladigan Osiyo chempionati saralash bosqichida ishtirok etuvchi O‘zbekiston U-16 terma jamoasi 16 iyuldan 23 iyulga qadar Qirg‘iziston Respublikasining Bishkek shahrida tashkil etilayotgan xalqaro turnirida qatnashishi haqida avval xabar berib o‘tgandik.

Bugun tongda Ilhom Xanjariyev boshchiligidagi terma jamoa a’zolari Qirg‘iziston poytaxti Bishkekka yo‘l oldi.

Ushbu turnirda O‘zbekiston U-16 ayollar terma jamoasiga Qirg‘iziston va Tojikistonning 16 yoshgacha bo‘lgan futbolchilaridan tashkil topgan terma jamoalari hamda Qozog‘istonning U-17 ayollar terma jamoasi raqiblik qiladi.

Ma’lumot uchun, O‘zbekiston U-16 ayollar terma jamoasi qur’a natijalariga ko‘ra Osiyo chempionatining saralash bosqichida Xitoy, Iordaniya, Guam hamda Shri-Lanka terma jamoalari bilan bahs olib boradi. Saralash o‘yinlari 2018 yil 15 sentyabr kunidan 23 sentyabr kuniga qadar Shri-Lanka poytaxti Kolombo shahrida bo‘lib o‘tadi.

Bishkekka yo‘l olgan O‘zbekiston U-16 ayollar terma jamoasining tarkibi quyidagicha:

Darvozabonlar:
Polyushkevich Angelina “Sevinch”
Davlatova Aziza “TerDU” (Surxon)

Himoyachilar:
Kosnikova Marina “Bunyodkor”
Qo‘chqorova Sevinch “AGMK”
Tursunaliyeva Fotima “AGMK”
Toshpo‘latova Rushana “Sevinch”
Aliyeva Durdona “Sevinch”

Yarim himoyachilar:
Sodiqova Parvina “AGMK”
Tursunaliyeva Zuxra “AGMK”
Xotamova Umida “Paxtakor”
Erkinova Kamola “Paxtakor”
Bahromova Azizaxon “BO‘SM” (Oqqo‘rg‘on) 
Iskandarova Nodira “So‘g‘diyona”
Saydullayeva Ug‘iloy “Sevinch”
Mamatkarimova Zarina “Metallurg”

Hujumchilar:
Jo‘rabayeva Diyora “Navbahor”
Oraniyazova Leyla “IBO‘SM” (Toshkent viloyati)
Suyunova Oysora “Lokomotiv”