Bolajonlar yozgi ta’tilni maroqli va mazmunli o‘tkazishlarini ta’minlash maqsadida O‘zbekiston futbol Assosiasiyasi O‘zbekiston kasaba uyushmalari Federasiyasi bilan hamkorlikda har bir viloyatda futbol musobaqalarini tashkil etishga qaror qilgani haqida avval xabar berib o‘tgandik.   “Yoz o‘tmoqda soz” shiori ostidagi mini futbol musobaqalari bu safar Andijon viloyati Buloqboshi tumanida joylashgan "Yosh Yenergetik" bolalar dam olish oromgohi hamda Jalaquduq tumanida joylashgan "Oq buloq" oromgohida tashkillashtirildi. Ushbu musobaqalar ko‘tarinki ruhda bayramona tarzda o‘tkazildi. Musobaqa ishtirokchilari hamda g‘oliblariga O‘FA  tomonidan ajratilga sovg‘alar hamda sertifikatlar topshirildi.