Болажонлар ёзги таътилни мароқли ва мазмунли ўтказишларини таъминлаш мақсадида Ўзбекистон футбол Ассоциацияси Ўзбекистон касаба уюшмалари Федерацияси билан ҳамкорликда ҳар бир вилоятда футбол мусобақаларини ташкил этишга қарор қилгани ҳақида аввал хабар бериб ўтгандик.   “Ёз ўтмоқда соз” шиори остидаги мини футбол мусобақалари бу сафар Андижон вилояти Булоқбоши туманида жойлашган "Ёш Енергетик" болалар дам олиш оромгоҳи ҳамда Жалақудуқ туманида жойлашган "Оқ булоқ" оромгоҳида ташкиллаштирилди. Ушбу мусобақалар кўтаринки руҳда байрамона тарзда ўтказилди. Мусобақа иштирокчилари ҳамда ғолибларига ЎФА  томонидан ажратилга совғалар ҳамда сертификатлар топширилди.