Samarqand shahrida karate bo‘yicha "Samarkand Open" xalqaro musobaqasi nihoyasiga yetdi. Turnirda o‘zbekistonlik karatechilardan tashqari, Amerika Qo‘shma Shtatlari, Tojikiston, Qirg‘iziston, Qozog‘istondan tashrif buyurgan sportchilar sovrinli o‘rinlar uchun kurash olib borishdi. Bellashuvlarda umumiy hisobda 700 nafarga yaqin sportchi ishtirok etdi.
E’tiborlisi, musobaqa yakunlariga ko‘ra, O‘zbekiston terma jamoasi umumjamoa hisobida birinchi o‘rinni egalladi. Ikkinchi o‘rin AQSH terma jamoasi vakillari qo‘lga kiritgan bo‘lsalar, uchinchi o‘rin tojikistonlik karatechilarga nasib qildi.
Avval xabar berib o‘tganimizdek, amerikalik karatechilar ilk marotaba O‘zbekistonda tashkil etilgan musobaqada ishtirok etishdi.
