Самарқанд шаҳрида каратэ бўйича "Samarkand Open" халқаро мусобақаси ниҳоясига етди. Турнирда ўзбекистонлик каратэчилардан ташқари, Америка Қўшма Штатлари, Тожикистон, Қирғизистон, Қозоғистондан ташриф буюрган спортчилар совринли ўринлар учун кураш олиб боришди. Беллашувларда умумий ҳисобда 700 нафарга яқин спортчи иштирок этди.
Эътиборлиси, мусобақа якунларига кўра, Ўзбекистон терма жамоаси умумжамоа ҳисобида биринчи ўринни эгаллади. Иккинчи ўрин АҚШ терма жамоаси вакиллари қўлга киритган бўлсалар, учинчи ўрин тожикистонлик каратэчиларга насиб қилди.
Аввал хабар бериб ўтганимиздек, америкалик каратэчилар илк маротаба Ўзбекистонда ташкил этилган мусобақада иштирок этишди.
