Xabaringiz bor, Milliy olimpiya qo‘mitasi yuritayotgan siyosatga ko‘ra xalqaro aloqalarni mustahkamlashga alohida e’tibor qaratilgan. Bu borada yurtimizdagi sport federasiyalariga ham tegishli topshiriqlar berilgan.
Hamkorlik aloqalari kuchaytirish, o‘zaro do‘stlik rishtalarini mustahkamlash yo‘lida bugun O‘zbekiston karate Milliy federasiyasi rahbariyati Yaponiya xalqaro aloqalar agentligi (JIKA)ning O‘zbekistondagi vakolatxonasi rahbari Takasaka Muneo, shuningdek, ko‘ngillilar bilan ishlash bo‘limi boshlig‘i Kabidate Bunsei bilan uchrashuv o‘tkazdi.
Uchrashuv davomida tomonlar mamlakatimizda karateni rivojlantirish yo‘lida bir qator masalalarni muhokama qilishdi. Undan tashqari, karate yo‘nalishlarini Olimpiya bayrog‘i ostida birlashtirish borasida kelishib olindi.
