“Metallurg” — “Neftchi” uchrashuvidan so‘ng mezbonlar ustozi Andrey Shipilov quyidagicha fikr bildirib o‘tdi:
- Natija biz uchun qoniqarli bo‘ldi, albatta. Raqib esa hisobdan mamnun, deya ayta olmayman.
Lekin shuni ta’kidlashim mumkinki, “Neftchi” jamoasi bugun yaxshi taassurot qoldira oldi. Farg‘onaliklar himoyada ancha tartibli o‘yin namoyish etishdi.
Shunday bo‘lsa-da, bizda yetarlicha qulay imkoniyatlar yuzaga keldi. Ikkinchi bo‘limda ayniqsa, o‘yinimiz ancha qovushdi.
Yigitlarga bugun butun o‘yin davomida bor kuch-g‘ayratlari bilan to‘p surganliklari uchun minnatdorchilik bildiraman, - dedi murabbiy.
