“Liverpul” klubi murabbiyi Yurgen Klopp joriy transfer mavsumida boshqa himoyachi sotib olmasligini aytib o‘tdi.

“Himoyachi? Bu yozda yo‘q, jamoada himoyachilarga ehtiyoz sezmayapman. Jo Gomes markaziy himoyada o‘ynaydi va unda boshqa futbolchilarda yo‘q hislat mavjud.

Shuning uchun boshqa himoyachiga ehtiyoj topilmaydi. Transfer oynasi yopilguniga qadar yana 12 kun vaqt bor.

Bu vaqt ichida ko‘p narsa bo‘lishi mumkin. Shuning uchun hozir yo‘q, dedim ertaga fikrimdan qaytish ehtimoli ham bor”, – dedi Klopp.