"Paxtakor" yarim himoyachisi "Lokomotiv" bilan bellashuvdan bo‘lajak bahs haqida fikrlarini aytib o‘tdi.
Bizni judayam muhim o‘yin kutib turganini his etib turibmiz. Futbolchilar uchrashuv ahamiyatini anglagan holda mashg‘ulotlarda bor kuchlari bilan ishlashmoqda. Avvalgi o‘yindagi omadsizlikni unutib, e’tiborimizni "Lokomotiv"ga qarshi o‘yinga qaratganmiz. Mazkur uchrashuvdagi muvaffaqiyat biz uchun judayam muhim. Ishqibozlarimizni chiroyli futbol va munosib g‘alaba bilan xursand etishni maqsad qilganmiz.
Raqibimiz Superligadagi eng kuchli jamoalardan biri ekanini bilamiz. Oldingi mavsumlarda bu jamoa chempionlikni qo‘lga kiritgan. Ularni hurmat qilamiz, lekin oldimizga faqat va faqat g‘alabaga erishishni maqsad qilib qo‘yganmiz. Buning uchun maydonda borimizni berishga tayyormiz.
