O‘zbekistonlik professional bokschi, jahonga mashhur Floyd Meyvezer bilan hamkorlik qilayotgan Sanjarbek Rahmonov bugun o‘zining navbatdagi jangida ringga ko‘tariladi.
Bokschimizga amerikalik Markus Taylor raqiblik qiladi. Sakkiz raundga mo‘ljallangan jang Las-Vegas shahridagi «Sam’s Town Hotel & Gambling Hall»da bo‘lib o‘tadi.
Ma’lumot uchun, Rahmonov professional faoliyati davomida 11ta jang o‘tkazib, ularning 10tasida g‘alaba qozongan (5tasi nokaut bilan). Bitta to‘qnashuvda esa durang qayd etgan. Taylor esa prof ringda 10 marotaba jang o‘tkazgan va ularning 9tasida g‘alaba nashidasini surgan. Bitta jangda esa mag‘lubiyat alamini totib ko‘rgan.
Milliy olimpiya qo‘mitasi ushbu jangda bokschimizga omad tilaydi va undan navbatdagi g‘alabani kutib qoladi.
