Ўзбекистонлик профессионал боксчи, жаҳонга машҳур Флойд Мэйвезер билан ҳамкорлик қилаётган Санжарбек Раҳмонов бугун ўзининг навбатдаги жангида рингга кўтарилади.

Боксчимизга америкалик Маркус Тайлор рақиблик қилади. Саккиз раундга мўлжалланган жанг Лас-Вегас шаҳридаги «Sam’s Town Hotel & Gambling Hall»да бўлиб ўтади.

Маълумот учун, Раҳмонов профессионал фаолияти давомида 11та жанг ўтказиб, уларнинг 10тасида ғалаба қозонган (5таси нокаут билан). Битта тўқнашувда эса дуранг қайд этган. Тайлор эса проф рингда 10 маротаба жанг ўтказган ва уларнинг 9тасида ғалаба нашидасини сурган. Битта жангда эса мағлубият аламини тотиб кўрган.

Миллий олимпия қўмитаси ушбу жангда боксчимизга омад тилайди ва ундан навбатдаги ғалабани кутиб қолади.