Zlatan Ibragimovich 36 yoshga to‘ldi. U hamon o‘z gollari va intervyulari bilan ajablantirishda davom etmoqda. Yaqinda shvesiyalik futbolchi o‘z homiylaridan bo‘lgan Visaga intervyu berdi.
- Yoshingiz o‘tib boryapti...
- Nima? Men yosharyapman. Bu faqat raqamlar. Hali yoshman va boshqalarni qarishga majbur qilyapman.
- Ha, maydonda ko‘rdik.
- Uning tashqarisida ham.
- Futbolchilik faoliyatingizni yakunlaganingizdan so‘ng nima bilan mashg‘ul bo‘lmoqchisiz?
- Men kelajakni rejalashtirmayman. Agar shunday qilsam, hamisha nimadir ro‘y beradi. Shu bois ham boshimni hali bo‘lmaydigan ishlar bilan qotirmoqchi emasman. Hammasini shundoq qabul qilaman. Ba’zida syurprizlar uchrab turadi. Lekin hayotdan lazzat olaman.
Ba’zida ortga qarab, dunyoni qanday egallaganimni ko‘raman. Nonushta payti Shvesiyani, lanchda Yevropani, tushlikda esa butun dunyoni zabt etaman. Lahzalardan lazzatlanaman. Lekin ko‘p emas. Keyin yana oldinga intilaman. Meni hech kim to‘xtata olmaydi, chunki tutqich bermayman.
- Yosh futbolchilar ko‘p so‘rashadi: nima muhim - iqtidormi yoki tinimsiz mehnat?
- Hozir o‘zimga qarshi boraman. Futbol yulduzlari faqat shuning uchun qo‘llarida to‘p bilan tug‘ilishganini aytishganini ko‘p bora eshitganman. Men esa bolaligimda to‘pga o‘xshash paypoq tepardim. Shunday darajaga chiqishimga tinimsiz mehnatlarim sababdir.
Odamlarning qandaydir qobiliyat sohibi sifatida tug‘ilishiga ishonmayman. Siz qaysidir joyda bo‘lish uchun ishlaysiz. Nimagadir erishish uchun qanchadir vaqtingizni sarflashingizga to‘g‘ri keladi. Aytaylik, jurnalist bo‘lib tug‘ilganingiz uchun jurnalist bo‘lmagansiz.
- To‘g‘ri.
- Ikkimizning oramizdagi farq: sizda tomoshabinlar, menda kuzatib boruvchilar bor. To‘xtang, adashdim. Sizda tomoshabinlar va kuzatuvchilar bor. Menda esa Zlatanga, mening dinimga ishonadiganlar bor.
- Zlatan dini deganda nimani nazarda tutyapsiz?
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
