“Manchester Yunayted”ning sobiq futbolchisi Pol Skoulz “qizil iblislar”ning bugun start oladigan yangi mavsumdagi imkoniyatlari haqida gapirdi.

“Joze Mourinyo ketadimi, yo‘qmi, bilmayman. U tajribali murabbiy, har xil vaziyatlarni ko‘rgan. Joze hozir qiyin vaziyatda va u bu vaziyatdan chiqib ketishi kerak.

Hozirgi “Manchester Yunayted”ning darajasi “Manchester Siti” yoki “Liverpul”nikidek emas. Umid qilamanki, bu fikrim xato bo‘lib chiqadi. Ammo o‘ylashimcha, “Manchester Yunayted” bu mavsum g‘oliblik uchun da’vogarlik qila olmaydi”, dedi Skoulz.