1979 yilning 11 avgust sanasi o‘zbek futboli tarixiga qora harflar bilan bitilgani siz-u bizga sir emas.

Zero o‘zbek futbolida o‘z nomiga ega bo‘lgan “Paxtakor” jamoasi o‘sha kuni aviahalokatga uchrab, jamoaning aksariyat a’zolari hayotdan ko‘z yumgandi.

Bugun mana shu mash’um voqeaga 39 yil to‘ldi. Ayni damda butun mamlakatimiz hamda uning tashqarisida futbol jamoatchiligi “Paxtakor-79”ni yod etmoqda.

Shu munosabat bilan “Lokomotiv” PFK jamoasi ham “Paxtakor” klubining barcha ishchi hodim-u futbolchilariga o‘z ehtiromini izhor etadi. O‘zbek futboli jamoatchiligi “Paxtakor-79”ni aslo unutmaydi!