Angliya premyer – ligasining 1-turidan o‘rin olgan “Liverpul” – "Vest Xem” uchrashuvi yakunlandi.
Mazkur uchrashuvda “mersisaydliklar” 4:0 hisobida “Ves Xem” ustidan g‘alaba qozondi.
O‘yinning boshlanishi ancha shiddatli tarzda boshlandi joriy mavsum ham Klopp o‘z uslubidan voz kechmadi va bu uslubni yanada rivojlantirdi desak mubolag‘alag‘a bo‘lmaydi. “Liverpul” o‘yinning boshidanoq hujumga otlandi. Birinchi turda barcha futbolchilar o‘zlarining avvalgi jismoniy holatlarida bo‘lishmaydi lekin, “Liverpul” futbolchilari avvalgidek ko‘rinishdi. O‘yinning 19-daqiqasida Muhammad Saloh joriy mavsumdagi ilk golini urishga muvaffaq bo‘ldi. “Vest Xem”ga kelsak ular birinchi goldan so‘ng o‘zlarini yo‘qotib qo‘yishgandek ko‘rinishdi va hujumlarda unchalik omadlari yurishmadi. Barcha birinchi bo‘lim tugadi degan bir paytda Sadio Mane ham o‘z hisobiga gol yozib qo‘ydi. Bu gol biroz baxsliga o‘xshadi. Chunki, senegallik futbolchi to‘pni “Vest Xem” himoyachisini ortida qabul qilib oldi. Lekin, hakam bu golni hisobga oldi.
Ikkinchi bo‘limga kelsak, “bolg‘achilar” yana ustunlikni “Liverpul”ga berib qo‘ydi.
Mane o‘yinning 53-daqiqasida dublni qayd etdi. Uchrashuv davomida “Vest Xem” unchalik o‘zini ko‘rsata olmadi va ruhiy tarafdan tushib ketdi. Qolgan daqiqalarni oldingiga nisbatan pishiqroq o‘tkazgan “Vest Xem”ni tinchligini Klopp buzib qo‘ydi u 87-daqiqada Salohning o‘rniga Daniel Starrijni maydonga tushirdi va angliyalik futbolchi burchak zarbasidan uzatilgan to‘pni darvozaga to‘g‘irlab qo‘ydi. Shu tariqa, “Liverpul” premyer – ligadigi ilk 3 ochkosini qo‘lga kiritdi.
APL 1-tur
“Liverpul” – “Vest Xem” 4:0
Gollar: Saloh 19, Mane 45, Mane 53, Starrij 88.
Liverpul: Alisson, Gomes, Robertson, Aleksander-Arnold, van Deyk, Keyta, Veynaldum, Milner, Mane (SHakiri, 82), Saloh (Starrij, 87), Firmino (Xenderson, 69).
Vest Xem: Fabianski, Balbuena, Ogbonna, Masuaku, Rays (Snodgrass, 46), Antonio, Nobl, Felipe Anderson (Ernandes, 62), Uilsher, Arnautovich (YArmolenko, 67), Frederiks.
Ogohlantirish: Aleksander-Arnold (21), Antonio (52), Balbuena (55).
