“Qo‘qon-1912” jamoasining iqtidorli hujumchisi Jasur Hakimov , “Neftchi” bilan bo‘ladigan viloyat derbisi oldidan , yangi formatda o‘tayotgan chempionatimiz haqida hamda bo‘lajak uchrashuv to‘g‘risidagi fikrlari bilan o‘rtoqlashdi.

- Bu yilgi chempionatimiz har doimgidanda qiziq o‘tmoqda. Boshida qanday bo‘larkin degan o‘y-xayollar bor edi. Mana ko‘rib turibmizki turdan turga chempionatda intriga kuchayib bormoqda.
Pepsi superliga o‘yinlari sport kanali orqali translyasiya qilinishi ham o‘yinlar saviyasi ortib borishiga xizmat qilyapti. Marketing rivojlandi. O‘yindan oldin turli tadbirlar ham stadionlarga muxlislar tashrifini ko‘paytirdi.

Endi chempionatimizda jamoalar ikkita oltitalikka bo‘lingan holda o‘yinlarni davom ettirishadi. Bu o‘zgarish qanday natijaga olib keladi mavsum so‘nggida bilib olamiz.
Bizni oldinda “Neftchi”ga qarshi juda muhim o‘yin kutib turibdi. Jamoamiz bilan barchamiz ushbu o‘yinga jiddiy tayyorgarlik ko‘ryapmiz. Biz kuchli oltilikka kirish uchun oxirigacha kurashamiz. Bitta yomon tarafi hammasi o‘zimizni qo‘limizda emasligida – deydi Jasur Hakimov.