Xabaringiz bor, 18 avgust kuni Indoneziyada XVIII Osiyo o‘yinlari start oldi. O‘zbekiston sport delegasiyasi katta tayyorgarlik bilan musobaqa o‘tkaziladigan mamlakatga yetib kelgan.
O‘yinlar boshlanishiga ikki kun qolganida hamyurtlarimiz navbatdagi rasmiy tadbir – ishtirokchi mamlakatlarning bayroqlarini ko‘tarish marosimida qatnashishdi. Mazkur tadbirda O‘zbekiston Milliy olimpiya qo‘mitasi Bosh kotibi Jasur Matchanov, delagasiyamiz vakillari, murabbiylar va sportchilarimiz ishtirok etishdi. Vatanimiz madhiyasi sadolari ostida bayrog‘imiz ko‘tarildi. Endi Jakartadagi Olimpiya shaharchasida O‘zbekiston Respublikasi davlat bayrog‘i ham hilpirab turibdi. Marosim davomida Vatanimiz bayrog‘i bilan bir qatorda Filippin, Livan, Pokiston va Butan bayroqlari ham ko‘tarildi.
Tadbir yakunida Olimpiya shaharchasi meri Yuni Karkita delegasiyalar rahbarlariga esdalik sovg‘alarini topshirdi. O‘z navbatida Jasur Matchanov ham O‘zbekiston Milliy olimpiya qo‘mitasi nomidan mezbonlarga atalgan esdalik sovg‘asini tuhfa qildi.
