Germaniya futbol uyushmasi (DFB) prezidenti Reynxard Grindel "Arsenal" hujumchisi Mesut O‘zilning tarafini olishi mumkin bo‘lganini ma’lum qildi.
Eslatib o‘tamiz, Mesut O‘zil Turkiya prezidenti Rejep Erdo‘g‘on bilan birga suratga tushganidan so‘ng Germaniyada tanqidlar ostida qolib ketdi va JCH-2018dan so‘ng terma jamoadagi faoliyatini tugatdi.
"Irqchilik ko‘rinishlariga kelsak, men aniq pozisiya tanlab O‘zilning tarafini olishim kerak edi. Buni qabul qilib bo‘lmaydi va buni hamma bilishi kerak. Afsuski, Mesut o‘zini nemis futbol uyushmasi tomonidan haydalgandek sezdi.
Ta’kidlash muhimki, men uning mundialdagi o‘yini haqida hech narsa demaganman. Biz birga g‘alaba qozonamiz va birga mag‘lub bo‘lamiz. Jamoaning muvaffaqqiyatsizligida qaysidir futbolchini ayblash - absurd", - deydi Grindel.