«Barselona» 2027/28 yilgi mavsumning salmoqli qismini «Kamp Nou»dan tashqarida o‘tkazishi mumkin.
Cadena SER nashrining xabar berishicha, stadionda tom o‘rnatilishi va rekonstruksiyaning boshqa yakuniy bosqichlari amalga oshirilishi sababli, «blaugrana»ga ma’lum muddat yangi stadion kerak bo‘ladi.
Klub hisob-kitoblariga ko‘ra, 2027 yilning iyun oyida boshlanadigan ishlar to‘rt-besh oy davom etadi. Biroq jarayon yakunlangach, Barselona meriyasidan binoning xavfsizlik talablariga muvofiqligi bo‘yicha tegishli xulosa va ruxsatnomalar olish talab etiladi.
Shu sababli, «Barselona» shahar ma’muriyatiga 2027/28 yilgi mavsumning katta qismida — yanvar yoki fevral oyiga qadar «Olimpik Lyuis Kompanis» stadionidan foydalanish imkoniyatini so‘rab murojaat qildi.
