«Барселона» 2027/28 йилги мавсумнинг салмоқли қисмини «Камп Ноу»дан ташқарида ўтказиши мумкин.
Cadena SER нашрининг хабар беришича, стадионда том ўрнатилиши ва реконструкциянинг бошқа якуний босқичлари амалга оширилиши сабабли, «блауграна»га маълум муддат янги стадион керак бўлади.
Клуб ҳисоб-китобларига кўра, 2027 йилнинг июнь ойида бошланадиган ишлар тўрт-беш ой давом этади. Бироқ жараён якунлангач, Барселона мэриясидан бинонинг хавфсизлик талабларига мувофиқлиги бўйича тегишли хулоса ва рухсатномалар олиш талаб этилади.
Шу сабабли, «Барселона» шаҳар маъмуриятига 2027/28 йилги мавсумнинг катта қисмида — январь ёки февраль ойига қадар «Олимпик Льюис Компанис» стадионидан фойдаланиш имкониятини сўраб мурожаат қилди.
