«Barselona» Rafinya Diasning sotilishini istisno etmayapti.
Diario Sport nashrining ta’kidlashicha, kataloniyaliklar hozirgi tarkib bilan Chempionlar ligasida g‘alaba qozonish qiyinligini tushunib turishibdi. Jamoaga markaziy himoya va hujum chizig‘ini kuchaytirish suv va havodek zarur, biroq buning uchun amaldagi futbolchilardan ayrilishga to‘g‘ri keladi.
Avvalroq Aleks Balde, Jyul Kunde yoki Mark Kasado jamoani tark etishi mumkinligi haqida xabarlar berilgan edi. Ammo ularning transferi bo‘yicha kelishuvga erishilmasa, «blaugrana» keskinroq choralarga qo‘l uradi.
Shunday variantlardan biri — Rafinyani sotish. Braziliyalik futbolchi jamoaning asosiy o‘yinchilaridan biri hisoblansa-da, agar uning o‘zi rozi bo‘lsa, transfer amalga oshishi mumkin. Yana bir ehtimoliy yo‘l esa Fermin Lopesning sotilishidir.
