Indoneziyada bo‘lib o‘tayotgan Osiyo o‘yinlarida O‘zbekiston terma jamoasi uchun navbatdagi medalni erkin kurashchi Davit Modzmanashvili  qo‘lga kiritdi.

-125kg vazn toifasida bahslarida O‘zbekiston libosida bellashgan Davit Modzmanashvili musobaqa davomida Indoneziya, Mo‘g‘uliston vakillarini mag‘lubiyatga uchratib, yarim finalga yo‘l oldi.

Final uchun kechgan bahsda esa eronlik kuchli raqibga imkoniyatni boy berdi. Bronza medali uchun o‘tkazilgan jangda hindistonlik raqibi ustidan 2:0 hisobida g‘alaba qozonib, sovrindorlar qatoridan joy egalladi.

Ushbu medal O‘zbekiston sport delegasiyasi uchun mazkur Osiyo o‘yinlaridagi yettinchisi bo‘ldi. Ayni paytda O‘zbekiston delegasiyasi tomonidan 1 ta oltin, 2 ta kumush va 4 ta bronza medali qo‘lga kiritildi.