Индонезияда бўлиб ўтаётган Осиё ўйинларида Ўзбекистон терма жамоаси учун навбатдаги медални эркин курашчи Давит Модзманашвили қўлга киритди.
-125кг вазн тоифасида баҳсларида Ўзбекистон либосида беллашган Давит Модзманашвили мусобақа давомида Индонезия, Мўғулистон вакилларини мағлубиятга учратиб, ярим финалга йўл олди.
Финал учун кечган баҳсда эса эронлик кучли рақибга имкониятни бой берди. Бронза медали учун ўтказилган жангда ҳиндистонлик рақиби устидан 2:0 ҳисобида ғалаба қозониб, совриндорлар қаторидан жой эгаллади.
Ушбу медаль Ўзбекистон спорт делегацияси учун мазкур Осиё ўйинларидаги еттинчиси бўлди. Айни пайтда Ўзбекистон делегацияси томонидан 1 та олтин, 2 та кумуш ва 4 та бронза медали қўлга киритилди.
