Indoneziyada davom etayotgan Osiyo o‘yinlarining 3-kunidagi musobaqalar davom etmoqda. Ayni paytda O‘zbekiston sport delegasiyasi hisobidagi medallar soni 10 taga yetdi.
Biroz avval taekvondochi Dmitriy Shokin musobaqa yarim finalida iordaniyalik raqibi Kattan Hamza ustidan 5:4 hisobida g‘alaba qozonib, final yo‘llanmasiga ega bo‘lgan edi.
Hal qiluvchi bahsda Dmitriy Shokin oltin medal uchun eronlik raqibi Rajab Saidga qarshi jang qildi. Ammo ushbu bellashuvda eronlik sportchining qo‘li baland kelib, Shokindan oltinni ilib ketdi. O‘zbekistonlik sportchi esa kumush medal bilan kifoyalandi.
