Индонезияда давом этаётган Осиё ўйинларининг 3-кунидаги мусобақалар давом этмоқда. Айни пайтда Ўзбекистон спорт делегацияси ҳисобидаги медаллар сони 10 тага етди.
Бироз аввал таэквондочи Дмитрий Шокин мусобақа ярим финалида иорданиялик рақиби Каттан Ҳамза устидан 5:4 ҳисобида ғалаба қозониб, финал йўлланмасига эга бўлган эди.
Ҳал қилувчи баҳсда Дмитрий Шокин олтин медаль учун эронлик рақиби Ражаб Саидга қарши жанг қилди. Аммо ушбу беллашувда эронлик спортчининг қўли баланд келиб, Шокиндан олтинни илиб кетди. Ўзбекистонлик спортчи эса кумуш медаль билан кифояланди.
