Bugungi kunda jahon futbolida VAR (Video assistant referee), ya’ni hakamning video ko‘makchisi tizimi qo‘llanilayotganidan futbol muxlislarining xabarlari bor. 

Ushbu tizim Rossiyada bo‘lib o‘tgan 2017 yilgi Konfederasiyalar kubogi hamda 2018 yilgi jahon chempionati kabi yirik musobaqalarda ham to‘laqonli ravishda qo‘llanildi. Ushbu tizim hakamlarga quyidagi 4ta bahsli vaziyatlarda to‘g‘ri qaror chiqarish uchun yordam beradi: 

darvoza tomon zarba berilganda to‘pning darvoza chizig‘ini kesib o‘tganini aniqlashda;
penalti belgilash uchun;
qizil kartochka berilishi kerak bo‘lgan vaziyatni baholashda;
qoida buzgan futbolchini aniqlash vaqtida muammo yuzaga kelganda.

Ushbu tizimning samaradorligini oshirish, hakamlarning ushbu tizim yordamida vaziyatlarni tahlil qilayotgan paytda paydo bo‘lishi mumkin bo‘lgan savol va boshqa kamchiliklar borasida ma’lumotlar berish maqsadida 2018 yilning 1-5 oktyabr kunlari Ispaniyaning Madrid shahrida seminar tashkil etmoqda.

Seminarda O‘zbekiston nomida FIFA va OFK hakami Ravshan Ermatov hamda FIFA va OFK instruktori, Markaziy Osiyo futbol konfederasiyasi hakamlar qo‘mitasi boshlig‘i Farhod Abdullayevlar ishtirok etishadi.