Qirg‘iziston Respublikasida FIFA tomonidan seminar tashkil etildi. O‘zbekiston futbol assosiasiyasi vakili ishtirok etgan ushbu seminar futbol assosiasiyalarining moliyaviy boshqaruv tizimidagi muammolar va ularni hal etish chora-tadbirlariga bag‘ishlandi.
Ushbu seminarda O‘zbekiston, mezbon Qirg‘iziston, Eron, Iroq, Tojikiston va Turkmaniston futbol assosiasiyalarining vakillari ishtirok etishdi. Ishtirokchilarga federasiyalarning moliyaviy barqarorligini ta’minlash uchun olib boriladigan ishlar, jahon va Yevropaning futboli rivojlangan mamlakatlarining tajribalari haqida ma’lumotlar berilib, har bir ishtirokchi davlat futbol assosiasiyalarining ish prinsiplariga to‘xtalib o‘tildi. Ular tomonidan olib borilayotgan chora-tadbirlar tahlil qilinib, kelgusi rejalar borasida kelishib olindi.
