Qirg‘izistonda o‘tayotgan Halqaro ko‘chmanchilar o‘yinlarida ko‘kpkari bo‘yicha Qozog‘iston terma jamoasi finalda Qirg‘izistonga duch kelmaslik uchun yarimfinalda O‘zbekiston terma amoasiga yutqazib (4:5) berganlikda gumon qilindi.
Internetda Qirg‘iziston ko‘pkari federasiyasining sobiq raisi Talas Begaliyevning qozoq chavandozlari bilan suhbati videosi tarqaldi.
"O‘tgan yili sizlarni hurmat qilib Astanadagi ko‘pkari bo‘yicha ahon chempionatiga borgan edik. Sizlarning barcha qoidalaringizga rozi bo‘lib, munosib o‘ynagandik. Sizlar nima uchun o‘ynashni istamadingiz? Nomusiniz bormi? Bu sport, nima uchun uni siyosatga aralashtiryapsizlar? O‘zbekiston avval umuman ko‘pkari o‘ynamagan. Shundan so‘ng uyga qaysi yuz bilan qaytasiz?. Bu qozoq yigitlari uchun sharmandalik" - deydi Begaliyev.
Qozoq ko‘pkarichilaridan biri: "Biz qo‘limizdan kelganini qildik" deya javob berdi.
Eslatib o‘tamiz, ko‘pkari musobaqasi finalida Qirg‘iziston va O‘zbekiston terma jamoalari o‘ynaydi.
