Қирғизистонда ўтаётган Ҳалқаро кўчманчилар ўйинларида кўкпкари бўйича Қозоғистон терма жамоаси финалда Қирғизистонга дуч келмаслик учун яримфиналда Ўзбекистон терма амоасига ютқазиб (4:5) берганликда гумон қилинди.

Интернетда Қирғизистон кўпкари федерациясининг собиқ раиси Талас Бегалиевнинг қозоқ чавандозлари билан суҳбати видеоси тарқалди.

"Ўтган йили сизларни ҳурмат қилиб Астанадаги кўпкари бўйича аҳон чемпионатига борган эдик. Сизларнинг барча қоидаларингизга рози бўлиб, муносиб ўйнагандик. Сизлар нима учун ўйнашни истамадингиз? Номусиниз борми? Бу спорт, нима учун уни сиёсатга аралаштиряпсизлар? Ўзбекистон аввал умуман кўпкари ўйнамаган. Шундан сўнг уйга қайси юз билан қайтасиз?. Бу қозоқ йигитлари учун шармандалик" - дейди Бегалиев.

Қозоқ кўпкаричиларидан бири: "Биз қўлимиздан келганини қилдик" дея жавоб берди.

Эслатиб ўтамиз, кўпкари мусобақаси финалида Қирғизистон ва Ўзбекистон терма жамоалари ўйнайди.