Manchester Evening News нашрининг хабар беришича, "Манчестер Юнайтед" ва "Челси" мухлислари ўтган ёзги трансфер ойнасида ўз клубларининг юришидан норози бўлишмоқда. Гап "Барселона"нинг ёш юлдузи Фермин Лопес ҳақида кетмоқда.

Маълум бўлишича, инглиз грандлари испаниялик иқтидор эгаси учун 40 миллион евродан ошмайдиган таклифлар юборишган. Британиялик футбол ишқибозлари эса бу қийматни Ферминнинг даражаси ва салоҳиятига нисбатан анча паст деб ҳисоблашмоқда.

Мухлисларнинг фикрича, бундай "кучсиз" таклифлар билан замонавий футбол бозорида топ-даражадаги ёш футболчиларни қўлга киритиш мушкул. Фермин Лопеснинг "Барселона" ва Испания терма жамоасидаги кўрсаткичлари унинг трансфер нархи анча юқори эканидан далолат беради.

22 ёшли Фермин жорий мавсумда барча турнирларда 38 та ўйинда 12 та гол уриб, 16 та ассист берди. Transfermarkt ҳозирда унинг қийматини 100 миллион еврога баҳоламоқда.