Manchester Evening News nashrining xabar berishicha, "Manchester Yunayted" va "Chelsi" muxlislari o‘tgan yozgi transfer oynasida o‘z klublarining yurishidan norozi bo‘lishmoqda. Gap "Barselona"ning yosh yulduzi Fermin Lopes haqida ketmoqda.

Ma’lum bo‘lishicha, ingliz grandlari ispaniyalik iqtidor egasi uchun 40 million yevrodan oshmaydigan takliflar yuborishgan. Britaniyalik futbol ishqibozlari esa bu qiymatni Ferminning darajasi va salohiyatiga nisbatan ancha past deb hisoblashmoqda.

Muxlislarning fikricha, bunday "kuchsiz" takliflar bilan zamonaviy futbol bozorida top-darajadagi yosh futbolchilarni qo‘lga kiritish mushkul. Fermin Lopesning "Barselona" va Ispaniya terma jamoasidagi ko‘rsatkichlari uning transfer narxi ancha yuqori ekanidan dalolat beradi.

22 yoshli Fermin joriy mavsumda barcha turnirlarda 38 ta o‘yinda 12 ta gol urib, 16 ta assist berdi. Transfermarkt hozirda uning qiymatini 100 million yevroga baholamoqda.